नागपूर : केंद्रीय मंत्री नितीन गडकरी यांनी विदर्भातील रोजगार निर्मितीवर भर देण्याचे महत्त्व अधोरेखित केले आहे. नागपूर शिक्षण मंडळ संचालित श्री मथुरादास मोहता विज्ञान कॉलेजच्या अमृत महोत्सव सोहळ्यात ते बोलत होते.
गडकरी यांनी प्रादेशिक गरजांनुसार रोजगारनिर्मितीचे संशोधन करण्याची गरज असल्याचे सांगितले. त्यांनी विदर्भात उपलब्ध संसाधनांचा उपयोग करून स्थानिक उद्योगांना चालना देण्याची आवश्यकता असल्याचेही नमूद केले.
यावेळी गडकरी यांनी विज्ञान, तंत्रज्ञान आणि संशोधन क्षेत्रात प्रगती करण्यावर भर देत, विद्यार्थ्यांना उद्योजकतेकडे वळविण्यासाठी प्रोत्साहित करण्याचे आवाहन केले.
