मुंबई : मुख्यमंत्री देवेंद्र फडणवीस यांनी नववर्षाच्या शुभेच्छा देताना महाराष्ट्राच्या विकासाच्या दिशेने महत्त्वाकांक्षी संकल्प व्यक्त केला आहे. “महाराष्ट्र आता थांबणार नाही” या घोषणेने त्यांनी राज्याच्या प्रगतीचा निर्धार स्पष्ट केला आहे.
त्यांनी कष्टकरी, शेतकरी, कामगार आणि सर्वसामान्य जनतेच्या योगदानाचे कौतुक करत महाराष्ट्राला प्रगतीच्या शिखरावर नेण्यासाठी शांतता, सलोखा आणि पर्यावरणाच्या जतनावर भर देण्याचा आग्रह व्यक्त केला. विकासासोबत आधुनिकीकरण आणि सकारात्मक ऊर्जेच्या माध्यमातून महाराष्ट्राला अग्रगण्य बनवण्याच्या दिशेने हे संकल्प साकार होणार असल्याची आशा त्यांनी व्यक्त केली.
यातून राज्याला एका नव्या उंचीवर नेण्याचा मुख्यमंत्री फडणवीसांचा दृढनिश्चय दिसून येतो.
