नवी मुंबई : प्रजासत्ताक दिनानिमित्त गुणवत्तापूर्ण कामगिरीसाठी महाराष्ट्र पोलीस दलातील अधिकारी आणि कर्मचाऱ्यांना राष्ट्रपती पदक प्रदान करण्यात आले आहे. महाराष्ट्रातील ४ पोलीस अधिकाऱ्यांना त्यांच्या विशिष्ट सेवेसाठी राष्ट्रपती पदक जाहीर झाले असून, ३९ पोलीस कर्मचाऱ्यांना गुणवत्तापूर्ण सेवा पदक मिळाले आहेत.
पोलीस दलात काम करणाऱ्या या अधिकारी व कर्मचाऱ्यांनी विविध क्षेत्रांत उल्लेखनीय योगदान दिले आहे. यामध्ये गुन्हे उघडकीस आणणे, समाजाच्या सुरक्षेसाठी घेतलेल्या पुढाकार आणि उत्कृष्ट नेतृत्व गुणांचा समावेश आहे. हा सन्मान पोलीस दलातील इतर सदस्यांसाठी प्रेरणादायी ठरेल.
