भंडारा : तुमसर तालुक्यातील उमरवाडा येथील वैनगंगा नदी पात्रात अवैधरित्या वाळू उपशाचा प्रकार उघडकीस आला आहे. पोलिसांनी पेट्रोलिंगदरम्यान नदीपात्रात वाळू उपसा होत असल्याचे आढळून आले. चोरटे नदीतून वाळू भरून ट्रॅक्टरमध्ये नेण्याचा प्रयत्न करत होते.
पोलिसांनी तत्काळ कारवाई करत धाड टाकून तीन ट्रॅक्टर जप्त केली आहेत. या प्रकरणी सहा आरोपींविरुद्ध गुन्हा दाखल करण्यात आला आहे. वाळू चोरीमुळे पर्यावरणावर गंभीर परिणाम होण्याची शक्यता असल्याने प्रशासनाने या प्रकरणाकडे कठोरपणे लक्ष दिले आहे.
तपास सुरू असून अधिक माहिती पुढील चौकशीत उघड होण्याची शक्यता आहे.
