अमरावती : मराठी पत्रकारितेचे जनक आणि आद्य पत्रकार दर्पणकार आचार्य बाळशास्त्री जांभेकर यांची जयंती संत गाडगे बाबा अमरावती विद्यापीठात मोठ्या उत्साहात साजरी करण्यात आली.
या कार्यक्रमाच्या अध्यक्षस्थानी विद्यापीठाचे कुलगुरू डॉ. मिलींद बारहाते होते. त्यांनी बाळशास्त्री जांभेकर यांच्या प्रतिमेचे पूजन करून त्यांना अभिवादन केले. यावेळी विद्यापीठाच्या विविध विभागांचे प्राध्यापक, कर्मचारी आणि विद्यार्थी मोठ्या संख्येने उपस्थित होते.
बाळशास्त्री जांभेकर यांनी ६ जानेवारी १८३२ रोजी दर्पण हे पहिले मराठी वृत्तपत्र सुरू करून महाराष्ट्रात नवचैतन्य निर्माण केले. त्यांच्या योगदानाची महती विशद करताना कुलगुरूंनी सांगितले की, “बाळशास्त्री जांभेकर यांनी मराठी भाषेच्या माध्यमातून सामाजिक सुधारणा घडवण्याचे कार्य केले. त्यांची विचारधारा आजही प्रेरणादायी आहे.”
कार्यक्रमादरम्यान बाळशास्त्री जांभेकर यांच्या जीवनकार्यावर व्याख्यानाचे आयोजन करण्यात आले होते. तसेच, विद्यार्थ्यांनी मराठी पत्रकारितेच्या वाटचालीवर विचार मांडत त्यांना आदरांजली अर्पण केली.
संपूर्ण विद्यापीठ परिसरात या कार्यक्रमानिमित्त मराठी पत्रकारितेच्या महत्त्वावर विशेष प्रदर्शन लावण्यात आले होते. उपस्थित मान्यवरांनी बाळशास्त्री जांभेकर यांच्या योगदानाची आठवण ठेवत त्यांच्या कार्याचा जागर केला.
