Sunday, November 22, 2026

Breathe of Life Multipurpose Society UCO BANK- A/C- 09110110049020, IFSC : UCBA0000911, MICR CODE : 442028501

spot_img
spot_img

आमदार देवराव भोंगळे यांच्या वाढदिवसानिमित्त १,२५६ जणांचे रक्तदान; घुग्घूसमध्ये २२ वर्षांची परंपरा कायम!

१३ तास चाललेल्या रक्तदान शिबिराला उत्स्फूर्त प्रतिसाद; गांधी चौकात युवकांसह नागरिकांचा मोठा सहभाग

घुग्घूस, चंद्रपूर : वाढदिवस साजरा करण्याच्या अनेक पद्धती असताना सामाजिक बांधिलकी जपत रक्तदानाचा उपक्रम राबविण्याची परंपरा घुग्घूसमध्ये यंदाही कायम राहिली. राजुरा विधानसभा क्षेत्राचे आमदार देवराव भोंगळे यांच्या वाढदिवसानिमित्त २१ नोव्हेंबर रोजी गांधी चौक येथे आयोजित भव्य रक्तदान शिबिरात तब्बल १,२५६ रक्तदात्यांनी स्वयंस्फूर्तीने रक्तदान केले. विशेष म्हणजे, या उपक्रमाचे हे सलग २२ वे वर्ष असून शहरातील सामाजिक सेवेची ही परंपरा चर्चेचा विषय ठरली आहे.

सकाळी ८ वाजता सुरू झालेल्या या शिबिराचे उद्घाटन वेकोली वणी क्षेत्राचे क्षेत्रीय महाप्रबंधक प्रशांत लोखंडे यांच्या हस्ते करण्यात आले. शिबिराला विविध राजकीय, सामाजिक आणि प्रशासकीय क्षेत्रातील मान्यवरांनी उपस्थिती दर्शविली. यावेळी चंद्रपूरच्या महापौर संगीता खांडेकर, एसएससी सिमेंटचे क्लस्टर हेड सत्यनारायण दिगमर्थी, माजी उपमहापौर राहुल पावडे, सुभाष कासनगोट्टूवार, विवेक बोढे, अमोल थेंरे, नामदेव डाहुले, विनोद चौधरी यांच्यासह अनेक पदाधिकारी, नगरसेवक, सरपंच आणि कार्यकर्ते उपस्थित होते.

सकाळी ८ ते रात्री ९ वाजेपर्यंत म्हणजेच सलग १३ तास हे रक्तदान शिबिर सुरू होते. शासकीय रक्तपेढी, चंद्रपूर आणि हेडगेवार रक्तपेढी, नागपूर यांच्या पथकांनी रक्तसंकलनाची जबाबदारी पार पाडली. युवकांसह विविध वयोगटांतील नागरिकांनी मोठ्या संख्येने सहभाग नोंदवत रक्तदान केले.

यावेळी आमदार देवराव भोंगळे यांनी सांगितले की, वाढदिवस हा केवळ वैयक्तिक आनंदाचा दिवस नसून समाजासाठी काहीतरी करण्याची संधी आहे. रक्तदानामुळे गरजू रुग्णाला जीवनदान मिळू शकते. गेल्या २२ वर्षांपासून सुरू असलेल्या या उपक्रमाला यंदा १,२५६ रक्तदात्यांनी प्रतिसाद दिला, ही अभिमानाची बाब आहे. त्यांनी सर्व रक्तदाते, आयोजक आणि सहकार्य करणाऱ्यांचे आभार मानले.

एकीकडे वाढदिवसाच्या निमित्ताने दिखाऊ कार्यक्रमांवर मोठा खर्च होत असताना, दुसरीकडे रक्तदानासारख्या जीवनदायी उपक्रमातून सामाजिक बांधिलकी जपण्याचा प्रयत्न निश्चितच महत्त्वाचा आहे. घुग्घूसमधील २२ वर्षांची ही परंपरा केवळ एका कार्यक्रमापुरती मर्यादित न राहता समाजात रक्तदानाबाबत जागरूकता निर्माण करणारी ठरावी, हीच अपेक्षा.

spot_img

Pranaykumar Bandi

WhatsApp No - 9112388440
WhatsApp No - 9096362611
Email id: vartamanvarta1@gmail.com

RELATED ARTICLES
Today News

Breaking News

Crime News