नागपूर : ज्येष्ठ गांधीवादी विचारवंत आणि विधिज्ञ ऍड. मा. म. गडकरी यांचे आज सकाळी 10 वाजता दाभा येथील त्यांच्या निवासस्थानी वृद्धापकाळाने निधन झाले. ते 92 वर्षांचे होते.
गडकरी यांनी संपूर्ण आयुष्य गांधीवादी विचारधारेच्या प्रसारासाठी खर्च केले. सामाजिक न्याय, अहिंसा आणि स्वावलंबन यांसारख्या मूल्यांवर त्यांचा ठाम विश्वास होता. त्यांच्या निधनामुळे नागपूरसह संपूर्ण सामाजिक आणि विधी क्षेत्रात शोककळा पसरली आहे.
त्यांच्या पार्थिवावर उद्या, गुरुवार 30 जानेवारी रोजी सकाळी 10 वाजता अंबाझरी घाटावर अंत्यसंस्कार करण्यात येणार आहेत. अंतिम दर्शनासाठी अनेक समाजसेवक, विचारवंत आणि नागरिक उपस्थित राहणार आहेत.
