चंद्रपूर | चंद्रपूर पोलिसांच्या स्थानिक गुन्हे शाखेने (LCB) मेफेड्रोन (Mephedrone) या अंमली पदार्थाची विक्री करणाऱ्या दोघा आरोपींना अटक करून मोठी कारवाई केली आहे. आरोपींच्या ताब्यातून 5 ग्रॅम एम.डी. ड्रग्जसह इतर मुद्देमाल असा एकूण 6,40,000 रुपये किमतीचा माल जप्त करण्यात आला आहे.
ही कारवाई स्थानिक गुन्हे शाखेच्या पथकाने अत्यंत गोपनीय माहितीच्या आधारे केली. आरोपींना अंमली पदार्थ विक्री करताना रंगेहाथ पकडण्यात आले. त्यांच्याकडून एक चारचाकी वाहन, ड्रग्ज आणि इतर साहित्य जप्त करण्यात आले आहे.
चंद्रपूर पोलिस अधीक्षकांच्या मार्गदर्शनाखाली झालेली ही कारवाई अंमली पदार्थांच्या विरोधातील मोहिमेतील एक महत्त्वपूर्ण पाऊल ठरत आहे. याप्रकरणी पुढील तपास सुरू असून आरोपींच्या नेटवर्कचा तपास पोलीस करत आहेत.
